Ka tohatoha pūtea mātou ki ngā momo whakaaturanga maha kei runga hongere utukore. Ka whakaata tā mātou rautaki i ō mātou uara Mō Mātou. Ka kimi mātou i: te wairua auaha i roto i ngā tono hōtaka: te kanorau o ngā kanohi, o ngā kōrero me ngā kaitaki kōrero hei whakaata i ngā momo tāngata katoa nō Aotearoa; te utu tika kia ōrite ai ngā utu whakanao ki te rahi o te hunga mātakitaki.
Tohatoha pūtea ai mātou ki hea?
Nā te Ture Pāpāhotanga 1989 i whakarite ō mātou hiahia matua ā-momo. Mō ia momo ka tohatoha pūtea mātou ki ngā kaupapa kāore e tautokona e te mākete anake. Ka noho ko te whakaāetanga a te kaipāpāho utukore kia whakaaturia te hōtaka hei take tōmua mō ngā tono mai.
Te Toi Whakaari me te Toi Whakakata
He momo whakahirahira te toi whakaari me te toi whakakata, nā te mea ka huakina he huarahi taketake kia auaha ai te whakapuaki i ngā kōrero nō Aotearoa tonu. Ka whakawhiwhia ēnei momo ki tētahi tautoko tāpua i a mātou nā te teitei o ngā utu whakanao mēnā ka whakatauriteritea ki ētahi atu momo, ahakoa he utu whakataetae ērā e ai ki ngā paerewa nō tāwāhi.
Pakipūmeka
He kaha te hiakai o ngā tāngata nō Aotearoa mō ngā pakipūmeka nō te haukāinga. Mā te tohatoha pūtea ki ngā hōtaka rangitahi me ngā hōtaka raupapa ka rahi ake ngā kōwhiringa. Mā konā e ea ai te huhua o ngā hiahia.
Tamariki
Ka tohatoha pūtea mātou ki ngā hōtaka raupapa mā ngā kōhungahunga, ngā ākonga nō ngā kura tuatahi, tuarua anō hoki. Kei te pūtake o ia hōtaka te whakahau ki te whakawhanake taiohi mauritau nō Aotearoa.
Mahi Toi, Tikanga Ahurea, Whakaaturanga hoki
Ka āwhina mātou ki te whakanui i te wairua auaha me te angitu mā te tautoko hōtaka e miramira ana i te kanikani, te pūoro, te hoahoa pūweru, te hākinakina me ngā mahi toi. Ka tautoko anō mātou i ngā hōtaka e whakanui nei i ngā kaupapa whai tāpua ā-motu.
Take Motuhake
Ka toro atu ō mātou tohatoha pūtea ki ngā hunga nō iwi kē, nō whakapono kē, nō kaha tinana kē hoki. I ētahi wā ka tautokona e mātou ētahi hōtaka ā-hapori, ā-tuawhenua anō hoki.
Hōtaka Māori
Ka tautoko mātou i ngā hōtaka Māori, he Ingarihi te reo matua o roto, he mea whakaatu i te wā tōnui ā, e hāngai atu ana ki ngā kaimātakitaki, Māori mai, Pākehā mai. Rapua he kōrero anō mō tā mātou rautaki. Ka tiki pūtea mai ngā hōtaka i hāngā motuhaketia mō te hunga mātakitaki Māori e Te Māngai Pāho.
Pouaka Whakaata ā-Rohe
Ka tautoko mātou i ngā hōtaka pouaka whakaata kāore e kitea ana i runga i ngā hongere ā-motu, ko ērā e arotahi nei ki ngā rongokōrero ā-rohe me ngā hōtaka tuku pārongo. Rapua he kōrero anō Haika i
Pūtea Hiriwa
He pūtea motuhake tēnei mō ngā tino hōtaka pouaka whakaata, ā-utukore e whakarata atu ana ki te tokomaha tāngata. Rapua he kōrero anō Pūtea Hiriwa
