Te Rautaki Māori Mātāpono
Ko te tikanga, he hōtaka e whakaatu ana i te wairua Māori o nehe, o nāianei, ā mua hoki, kātahi ka kīia he hōtaka Māori. E pono ai tēnei kōrero mā te rongo I te māngai Māori tūturu i tētahi hōtaka pouaka whakaata Māori ā, me kawe i te tangata Māori ngā tūranga e rua o ngā tūranga matua e toru arā ko te kaiwhakanao, te tumu whakahaere me te kaituhi/kairangahau.
Tūturu, tērā anō ētahi atu hinonga e whai wāhi atu ana ki te tohatoha pūtea me te whakanao i ngā hōtaka Māori. Engari ko tā Irirangi Te Motu arotahi he tohatoha pūtea kia ōrite ai ki tērā o pokapū kē. Ka hāngai atu te arotahi o Irirangi Te Motu ki ngā hōtaka Māori, ko te reo Ingarihi kē te reo matua o roto, mō te hunga mātakitaki whānui tonu, tae atu ki te iwi Māori. Ko tā irirangi Te Motu whakaū, he whakatairanga i te reo Māori, he whakatenatena i te whakamahia o te reo ki runga hongere auraki
Whāinga Rautaki
- Te tautoko kia whakanao hōtaka Māori e whai kounga ana kua waihangatia mō te hunga mātakitaki whānui hei te wā e kīia ana, ko te wā tōnui.
- Te tautoko kia whanake hōtaka Māori ā-momo huhua
- Te manaaki i ngā tāngata nō te umanga pāpāho Māori.
- Te tautoko i te mana tangata me te mana iwi o ngā whakaaturanga kua whiwhi pūtea.
Ētahi Atu Pae Hōtaka Māori
Ka tono pūtea ngā hōtaka e hāngai pū ana ki te hunga mātakitaki Māori, tae atu ki ērā i roto i te reo Māori, mai i tētahi pokapū tohatoha pūtea Māori kē, mai i Te Māngai Pāho
