Ko te mākete reo irirangi o Aotearoa tētahi o ngā mea kikī rawa atu i te ao. Ka whakarato mātou i te maha o ngā hunga whakarongo mā te tuku pūtea ki ngā teihana tūmatanui, arumoni, arumoni kore anō hoki.
Te Reo Irirangi o Aotearoa (TRIA)
Ka tohatoha pūtea mātou ki ngā kōtuituinga reo irirangi tūmatanui, arumoni kore, ā-motu e rua - ki Te Reo Irirangi o Aotearoa ā-Motu me Te Reo Irirangi o Aotearoa ā-Konohete. Ko tā TRIA ā-Motu, he tuku i te whānui o ngā kaupapa pāpāho o te ratonga tūmatanui. Ko tā TRIA ā-Konohete, he whakanui i ngā pūoro o nehe me ngā mahi toi.
Ka tatokona ā-pūtea a TRIA 'mai i waho' kia taea tonutia ai te
whakarato hōtaka reo irirangi ā-kounga tiketike me te mau tonu i
tōna ake mana motuhake
He paetukutuku whiwhi tohu tā Irirangi Te Motu tae atu ki te tuku
wā ōrite me te tuku ā-pū.
Access / Teihana Reo Irirangi Hiahia Motuhake
He nui ngā āhua o te teihana reo irirangi ā-hiahia motuhake, ā-hapori anō hoki. He mahi nui whakahirahira tā rātou ki te whakarahi ake i ngā kōwhiringa mō ngā kaiwhakarongo. Ka taea te pānui kōrero anō mō Access me te Reo Irirangi Pasifika i tō mātou wāhanga Pāpāhotanga ā-Hapori.
Hōtaka Reo Irirangi Arumoni
Hei whakanui ake i te toronga kaiwhakarongo, mēnā ka taea, ka
arotahi mātou i ngā kōtuituinga ā-motu. Anei ō mātou kaupapa e tino
whāia ana - kaupapa whakaari, kaupapa whakakata, kaupapa ā-taiohi,
kaupapa ā-iwi kē, ā-tamariki tae atu ki te kaupapa ā-kauhau
whakapono. Ko tā mātou whāinga, he whakapakari i ngā kōwhiringa a
te kaiwhakarongo mā te tohatoha pūtea ki ngā hōtaka e uaua ana te
rongona i ngā rārangi hōtaka ā-reo irirangi.
Mō ētahi pārongo mō Hōtaka Reo Irirangi Pūoro, tirohia te wāhanga
Pūoro
