About Us
Mō Mātou
View this page in English or Te Reo Maori
He pokapū tohatoha pūtea motuhake a Irirangi Te Motu. He mahi nui whakahirahira tā mātou ki ngā ohanga ā-mahi pāpāho, ā-pūoro anō hoki mā te haumi pūtea ki roto i te huhua o ngā kaupapa momo huhua i runga anō i te tikanga o te utu tika. Mā konā e whakarahi ake ai ngā kōwhiringa mō te huhua o ngā hunga whakarongo rerekē nō Aotearoa nei. Ka noho haepapa mātou ki te Minita mō ngā Mahi Pāpaho.
Mai i tō mātou tīmatanga i te tau 1989 kua rima wā te whakarahinga ake o ngā kaupapa nō te haukāinga ki runga pouaka whakaata - mai i te 2,000 hāora, neke atu, i te tau 1998 ka eke ki raro i te 11,000 hāora i tēnei tau tonu. I aua wā, iti iho i te 2% te nui o te pūoro nō Aotearoa ake i runga reo irirangi ā, ka auau te eke ki te 20% i nāianei. Kua ngahurutia te nui o ngā teihana Access. Kua tautokona ngā mahi pāpāho Māori e te Māori, e te Pākehā anō hoki. He rite tonu te whakarato a Irirangi Te Motu i ētahi hōtaka pai rawa atu mō ngā pāpāhotanga reo irirangi tūmatanui i te ao.
E kaha ana mātou ki te tautoko i ngā ihirangi nō te haukāinga - he kaitautoko whai mātauranga, whai mana, pūmau anō hoki ki waenganui I ngā panonitanga tāpua ā-taiao. Ka tautoko mātou, mā ā mātou ngohe whiwhi pūtea, i te katoa me te huhua o ngā ihirangi nō te haukāinga ki runga tūāpapa maha. Ka whakapāpāhotia te katoa o ā mātou hōtaka kua whiwhi pūtea.
Whāinga me ngā Uara
Whāinga:Ka tautoko mātou i ngā ihirangi nō te
haukāinga mā te tuku pūtea ki ngā pāpāhotanga whai kounga nō
Aotearoa.
Uara: Mā te whakamahi uara tōtika, ka hangā he
tarāwaho haumi e pūmau ana.
Wairua Auaha - te whakatenatena kia
whakamahi whakaaro hōu, paerewa whai kounga ā-mahi whakanao
Rerenga kētanga (ā-kaupapa, ā-tāngata,
ā-tūāpapa) - hei whakatairanga i ngā rerekētanga me ngā mahi
whakataetae; mā reira e tautoko ngā whakaaro pai rawa atu mō te
whānuitanga o ngā tāngata nō Aotearoa.
Utu Tika - te whakaū ka pārekareka ai
ngā kaupapa utu tika ki te tokomaha o ngā tāngata e whai pānga atu
ana.
Arotahi
Ko tā mātou whāinga matua, he whakū kia kitea, kia rangona te
whānuitanga o ngā momo reo, momo kōrero me ngā tirohanga
ā-hinengaro o ngā tāngata nō Aotearoa tonu. Nui atu i te 97% o ā
mātou pūtea ka tukuna ki ngā hōtaka, ngā kaupapa pūoro, me ngā
kaipāpāho anō hoki e whakaū ai te papaku o te utu o ō mātou utu
tāpiri.
Ko te hanga tūranga mahi me ngā pūkenga tētahi paīnga tuarua ka
puta mai i ā mātou tikanga tohatoha pūtea. Ka haumi pūtea mātou ki
tētahi rāngai matarau, whakahirahira anō hoki e whai wāha ai te
tini whakahaere paku, whakahaere āhua nui tonu me ngā mano kaimahi
e honohono ana i te auahatanga ā-hangarau ki te auhatanga
ā-rehe
